ShoutHope!

Taliban aur Alqaeda kay MFs I mean ‘mates forever’ (not that bad phrase, of course) aur shayad kuch Mullah ya Mullah minded hazrat o khwateen iss post kay title se ittefaaq nahi karenge, lekin iss ka matlab yeh nahi kay title aik jhoot baat keh raha hai. Ayen samajhte hain kay iss post ka title – Pakistan aur Pakistanioun Ke Liye Bura Sonchna Bhe Islam Mein Haram Hai – kese sou feesadi durust hai:

Subse pehle hum yeh dekhenge ke Dunya ka aysa kaun sa mulk hai jo Shab-e-Qadar jesi mubarak tareen raat (jiskay baare mein quran kehta hai yeh aik raat hazaroun raaton se behtr hai kay jis mein malaika Allah ke hukum se uski rehmat le kar zameen per utarte hain) ko wujood mein aya. Woh mulk aur koi nahi bulkay Pakistan hai!

Tau yeh teh hua kay Pakistan Allah ki rehmat o khushnoodi rakhne wala zameen ka hissa hai. Jiss se Allah khush aur jis pe Allah ki rehmat 0 salamti barasti ho, uss mulk kay baare mein bura karna tau duur ki baat bura sonchna bhe hur musalmaan mard o aurat pe haram hai, hatta kay Makkah aur Medina kay musalmaano per bhe haram hai.

Dunya mein musalmaan jahan jahan bhe hain, chahe Saudi Arabia and in other gulf countries, Indonesia, Europe, the Americas, India, China, Bangladesh, etc, garz dunya kay kisi bhe konay mein rehne waale musalmaan pe yeh haram hai kay Pakistan ya Pakistanioun ke liye bura karna tau darkinaar bura sonchna bhe un pe Allah se jung karne ke mutaradif hai.

Aik hadith se bhe yeh baat wazeh hojati  hai jis mein Aap (SAW) ne farmaya kay “Mujhay Hind se Thandi Hawaein Arahi Hain”. Iss ka matlab Muhammad Bin Qasim kay Barre-Saghir mein daakhle ke waqt se aakhri musalmaan baadshah e hind Bahadur Shah Zafar ka dour nahi, bulkay 1947 mein Shub e Qadar ki raat ko Pakistan ka wujood mein aane se hai. (Mein tasleem karta hun kay yeh aik relative interpretation hogi, magar yeh aik wazeh baat hai kay Pakistan kay huq mein iss hadith ka jaana ziada wazan rakhta hai).

Tau aye Taliban aur aye inn ke hamioun, Allah se daro, Allah ki raza rakhne walay iss Pak watan ko nuqsaan phoncha kar Allah se jung na karo, iss Pak watan ke dushmano ke haath kay khilone na bano, iss Pak Watan ki fauj se jung na laro, bulkay apne aap ko fauj kay hawale kardo aur kehdo kay Pakistan Allah ki sar zameen hai aur tum aaj se iss ki hifazat karoge nakay iss ke khilaaf quwaton ke haat ka khilona bano ge. Pakistan ke saath mil jao aur iss ke haath mazboot karo kyunke Khuda ki qasam yeh Islam ka Qila hai. Pakistan dunya ki Chati (6th) bari taqat hai, iss kay haath mazboot karo ke yeh Sar Zameen e Rehmat e Khuda e Zuljalal hai, aur Khuda ki Qsam yeh baat sabit hoti hai kay Pakistan aur Pakistanioun ke liye bura soncha Islam mein haram hai.